Numä hurti go louffä......

Hüt isch üsä erscht Tag im wunderschönä Schwarzwald. Wasi bi üsnä vorhärigä Ufänthält im Münsertal (ou im Schwarzwald) vermisst ha, heimer hiä gfundä. Tannäwald 😍🌲

Da ig sozägä nüt usdr Schwiiz ha dörfä mitnäh a Läbensmittel, isch aber zersch mau iichouffä drannä xii. Äs ischmir iitrichtärät wordä, dass Düütschland durchus äs Zivilisierts Land sigi umä ou hiä gäbig chönni iichouffä🤪 Auso hani mi extrem zämä grissä u praktisch nüt usdr Schwiiz mitgno. Usser Fondue 🤭 Wüw üsi Nirnaan komplett installiert isch, mit Sunnästorä etc., heimeris mitem Velo uufgmacht nach Titisee- Neustadt. Vo üsäm Camping zum Edeka sis mitem Velo knapp 8km.

Last Eseli Frédéric 🤭

Obwohl ig mi bim iichouffä sehr zämä grissä ha, isches chli meh wordä aus planät 🙈 Aber zum Glück hani mis Last-Eseli derbii gha 🤭

Am Namitag isch de ändläch Schwarzwald erkundä axeit xii. Nur hurti go louffä heimer wöuä.......drus wordä isch die Tour ->😮

Ganz gmüätläch simer bi üs bim Camping losgloffä in Richtig Bärental. Stetig ischäs ufä gangä immer schön dürä Wald. Nach ca. 30min. simer im Dörfli Bärental acho. Mir heis aber schad gfungä dr glliich Wäg wider zrügg z'go unis drum fürä Rundwäg entschidä. Dä isch de haut chli lenger xii aus planät drfür umso schöner. Mir heinis chum chönnä beruhigä. d'Eichörnli wonis zuäglost hei, hei die ganz Ziit ghört"wow wie schön!" "oh meing gott luäg ämou!" "Läck isch das schön!"......und so wiiter 😅 Tannäwälder wienis immer erwartät ha im Schwarzwald. Mit Moos so weit das Auge reicht und drzwüschä Flöigäpiuzli (oder ganz viel anderi Pilzli). Nur dr Hirsch het no gfäut. Süsch ä Märliwald wie im Bilderbuäch. Z'einzig negative a derä Tour isch xii, dasmer kurz vor Schluss hei müässä die sehr viel befahrni Outostross überquere. Zu allem übel simer det ouno ä Steilä Abhang abcho, wo Frauchen hurti Höhäangst übercho het. Aber klari Aasag vom Herrchen u auäs isch guet cho.

Rächtiziitig wos het afo Tröpfälä u wo dSunnä langsam am ungergo isch xii, heimers gad zrügg ufä Camping gschafft. Aui zimli gnuddlät vo derä schönä Wanderig, heimer zersch mau Pfötli müässä streckä.